पुण्यात महापालिका रुग्णालयाच्या पार्किंगमध्ये आग

पुणे: राज्यासह देशात विविध ठिकाणी रुग्णालयांना आग लागल्याच्या घटना घडल्या असतानाच, सोमवारी सकाळी महापालिकेच्या कमला नेहरू रुग्णालयाला आग लागल्याचा मेसेज सोशल मीडियावर व्हायरल झाला, अन् सर्वांच्या काळजाचा ठोकाच चुकला. मात्र, ही आग रुग्णालयाच्या पार्किंगमध्ये लागली होती आणि अग्निशमन दलाने काही क्षणातच ती पूर्णपणे आटोक्यातही आणली. यात कुठलीही हानी झाली नसल्याचे अग्निशमन दलाने स्पष्ट करताच सर्वांनी सुटकेचा निश्वास सोडला. () वाचा: नाशिकला कोविड रुग्णालयात ऑक्सिजन गळतीमुळे २२ रुग्णांना प्राण गमवावा लागल्याची घटना ताजी असतानाच, विरार येथेही रुग्णालयात आग लागल्याने १३ रुग्णांचा होरपळून मृत्यू झाल्याची घटना घडली. या पार्श्वभूमीवर पुणे महापालिकेने कोविड रुग्णालयांचे फायर ऑडिट करण्याचा निर्णय घेतला आहे. त्या अंतर्गत शहरातील १९० रुग्णालये आणि कोविड केअर सेंटरचे ऑडिट आज, सोमवारपासून केले जाणार आहे. मात्र, या दिवसाची सुरुवात रुग्णालयातील आगीने झाली. त्यामुळे प्रशासनाने अशा दुर्घटना टाळण्यासाठी अधिक खबरदारी घेणे गरजेचे असल्याची भावना व्यक्त केली जात आहे. वाचा: कमला नेहरु रुग्णालयाच्या तळमजल्यावर वाहनाचे पार्किंग आहे. या ठिकाणी ठेवलेल्या सलाईनच्या रिकाम्या बाटल्या, झाडू, खराटा, प्लास्टिक ड्रम आणि इतर उपयोगात नसणारे काही साहित्य ठेवले होते. त्या साहित्याला आग लागली होती. आगीच्या घटनेनंतर रुग्णालयातील महत्वाचा नसणारा वीजपुरवठा खंडित करण्यात आला. अग्निशमन दलाच्या जवानांनी वेळीच त्या ठिकाणी पोहोचत आग आटोक्यात आणली. वाचा:

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/32QV2wt