...आणि हा वाढदिवस अखेरचा ठरला; २ तरुणांनी क्षणात गमावले प्राण

: स्वतःचा वाढदिवस साजरा करण्यासाठी मित्रासोबत लोणावळा इथं आलेल्या तरुणासह आणखी एकाचा झाला आहे. आकाश गुरव (वय-२५), वीरेंद्र त्रिपाठी (वय-२३, दोघेही रा. रूपीनगर, निगडी) अशी बुडून मृत्यू झालेल्यांची नावे आहेत. लोणावळ्याच्या जवळील कुसगाव बुद्रुक येथील सिंहगड कॉलेज समोरील एका दगडाच्या खाणीत सदर तरुण बुडाले. ही दुर्दैवी घटना गुरुवारी सायंकाळी पाच वाजता घडली आहे. लोणावळा ग्रामीण पोलिसांनी दिलेल्या माहितीनुसार, आकाश गुरव याचा आज वाढदिवस होता. वाढदिवस साजरा करण्यासाठी करण्यासाठी तो आणि त्याचे इतर चार मित्र त्यांच्या तीन मोटरसायकलवरून लोणावळ्यात आले. सायंकाळी साडेचारच्या दरम्यान ते सर्व लोणावळ्याजवळील कुसगाव बुद्रुक येथील सिंहगड कॉलेजसमोर असलेल्या एका दगडाच्या खाणीकडे गेले होते. त्याठिकाणी गेल्यावर आकाश सोबत आलेले त्याचे मित्र पोहण्यासाठी पाण्यात उतरले होते. यावेळी आकाश आणि वीरेंद्रही पोहण्यासाठी उतरला होता. त्यांना पोहता येत नसल्याने त्यांच्या मित्रांनी त्यांना खोल पाण्यात उतरू नका असे सांगितले होते. मात्र मित्रांच्या या सूचनेकडे दुर्लक्ष करत दोघेही खोल पाण्यात गेले. मात्र पोहता येत नसल्याने ते पाण्यात बुडू लागले. यावेळी त्यांच्या मित्रांनी त्यांना वाचविण्याचा प्रयत्न केला होता. मात्र त्यांचीही दमछाक झाल्याने ते बुडू लागले असता, ते कसेबसे बाहेर आले आणि त्यांनी आरडाओरड करून मदतीसाठी प्रयत्न केला. परंतु नागरिक येईपर्यंत दोघेही पाण्यात बुडाले होते. या घटनेची माहिती लोणावळा ग्रामीण पोलिसांना देण्यात आल्यानंतर लोणावळा ग्रामीण पोलिस निरीक्षक टी.वाय. मुजावर यांनी त्यांच्या सहकाऱ्यांसह घटनास्थळी धाव घेत घटनेची पाहणी केली. पोलिसांनी मृतदेह बाहेर काढण्यासाठी लोणावळ्यातील शिवदुर्ग मित्रच्या रेस्कू पथकाला पाचारण केले. शिवदुर्ग मित्रच्या रेस्क्यू पथकातील प्रणय अंभोरे, अजय शेलार, आनंद गावडे, सागर कुंभार, अमोल परचंड, इंद्रनील खुरंगले, सुनील गायकवाड, रोहित वर्तक, प्रविण देशमुख, अशिश कोलारकर यांच्या पथकाला अवघ्या १० ते १५ मिनिटात दोन्ही मृतदेह बाहेर काढण्यात यश आले. दरम्यान, या घटनेचा पुढील तपास लोणावळा ग्रामीण पोलिस करत आहेत.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/3Ai9QUg