न्यायाधीशांच्या घरासमोरील चंदनाचे झाड रातोरात कापून नेले!

सोलापूर: येथील दिवाणी न्यायाधीश जी. एम. नदाफ यांच्या निवासस्थानातील चंदनाचे झाड अज्ञात चोरट्यांनी चोरून नेले आहे. ही चोरी बुधवारी पहाटेच्या दरम्यान घडली. याबाबत माळशिरस तालुका पोलीस ठाण्यात फिर्याद देण्यात आली आहे. चोरट्यांनी मोठ्या शिताफीने या चंदनाच्या झाडाचा मुख्य बुंधा करवतीने कापून नेला. न्यायाधीशांच्या घरी चोरी झाल्याने सर्वांच्या भुवया उंचावल्या आहेत. तसेच पोलिसांच्या कार्यक्षमतेवर देखील प्रश्नचिन्ह उपस्थित केला जातोय. वाचा: दोन वर्षांपूर्वी देखील माळशिरस येथील न्यायाधीशांच्या घरासमोरील चंदनाच्या झाडांची चोरी झाली होती. येथील चंदनाचे झाड चोरून नेण्याची ही दुसरी घटना आहे. सतत होणार्‍या चोरींच्या घटनांमुळे न्यायव्यवस्थेच्या सुरक्षेचा प्रश्न ऐरणीवर आला आहे. वन विभागाकडे नोंद केलेल्या या चंदनाच्या झाडाची किंमत ही जवळपास सात हजार रूपयांच्या आसपास होती. या घटनेचा अधिक तपास माळशिरस पाेलीस करत आहेत. अपहरण करून लुटणारी टोळी गजाआड उत्तर तालुक्यातील वडाळा येथील डॉक्टरचे खंडणीच्या उद्देशाने अपहरण करून लुटलेल्या सात आंतरजिल्हा दरोडेखोरांच्या टोळीला सोलापूर ग्रामीण एलसीबीच्या पथकाने चार दिवसात जेरबंद करून त्यांच्या मुसक्या आवळल्या आहेत. यातील चार आरोपी हे पुण्यातील आहेत . विकास सुभाष बनसोडे ( वय ३१राहणार ,पानमळा वसाहत, सिंहगड रोड पुणे ) ,सिद्धार्थ उत्तम सोनवणे ( वय ४२ राहणार, पानमळा वसाहत सिंहगड रोड पुणे ), रोहित राजू वैराळ ( वय २८ ,राहणार वडगाव बुद्रुक भवानीनगर पुणे, हल्ली चिंतामणी शाळेच्या शेजारी आंबेगाव बुद्रुक पुणे), रामचंद्र बालाजी कांबळे ( वय २८ राहणार, साईधाम तालुका हवेली जिल्हा पुणे ), वैभव प्रवीण कांबळे( वय २१ राहणार ,जवळा खुर्द, तालुका कळंब, जिल्हा उस्मानाबाद ) भारत दत्तात्रय गायकवाड ( वय ३१, राहणार वडाळा, तालुका उत्तर सोलापूर ) आणि मुराद हनिफ शेख (वय ३१, राहणार वडाळा तालुका उत्तर सोलापूर )अशी आरोपींची नावे आहेत. यातील पुण्यातील चारपैकी तिघेजण सराईत गुन्हेगार आहेत.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/2Y70ewR