अनैतिक संबंधातून प्रियेसीचा गळा आवळून खून, पोलिसांना घाबरुन प्रियकराचं टोकाचं पाऊल

औरंगाबाद : दोन दिवसांपूर्वी बेपत्ता झालेल्या महिलेचा मृतदेह पैठण तालुक्यातील आखातवाडा शिवारात आढळून आला आहे. तर अनैतिक संबंधातून प्रियकरानेच हा खून केला असल्याचं प्राथमिक तापसात समोर आली आहे. विशेष म्हणजे प्रियेसीचा खून केल्यानंतर प्रियकराने स्वतः विष घेऊन आत्महत्या करण्याचा प्रयत्न केला. (aurangabad crime news through immoral relationship) पोलिसांनी दिलेल्या माहितीनुसार, पोलीस स्टेशन पैठण येथे परमेश्वर विठ्ठल कोरडे ( रा. वडवळी ) यांनी त्यांच्या आई गंगुबाई विठ्ठल कोरडे ( वय ३८ वर्ष ) या १८ डिसेंबर रोजी दुपारी घरुन शेतात गेल्या त्या परत आल्या नसल्याची तक्रार दिली होती. यावरून महिलेचा शोध घेण्याचे कार्य पोलीस पथकाडून चालू असताना सोमवारी आखातवाडा शिवारातील शेतात ऊसाचे पिकामध्ये हरवलेल्या महिलेचे प्रेत आढळून आल्याची माहिती पोलीस स्टेशनला मिळाली. त्यामुळे पोलिसांनी घटनास्थळी जावुन खात्री केली असता मृतदेह गंगुबाई यांचाच असून, त्यांची गळा आवळून खून केल्याचं स्पष्ट झाले. याप्रकरणी पोलीसांनी अधिक तपास केला असता गावातीलच महादेव विनायक मैदड याने अनैतिक संबंधातुन खुन केला असल्याचे समोर आले. याप्रकरणी महिलेचा मुलगा परमेश्वर याच्या फर्यादीवरून महादेव विरोधात खुनाचा गुन्हा दाखल करण्यात आला आहे. तसेच चौकशी व गुन्ह्याच्या तपासामध्ये आरोपी व मयताचे अनैतिक संबंध होते व त्यातून खून झाला आहे असे निष्पन्न झाले असल्याची माहिती पैठण पोलिसांनी दिली आहे. प्रियकराचा आत्महत्येचा प्रयत्न... गंगुबाई विठ्ठल कोरडे आणि आरोपी महादेव विनायक मैदड यांच्यात गेल्या अनेक दिवसांपासून अनैतिक संबंध होते. तर गंगुबाई गावातच अंगणवाडी मदतनीस म्हणून कार्यरत होत्या. १८ डिसेंबर रोजी गंगुबाई यांची हत्या केल्यानंतर सोमवारी मृतदेह सापडला. त्यामुळे आता पोलीस आपल्याला पकडतील या भीतीने आरोपी महादेव याने विष प्राशन करून आत्महत्या करण्याचा प्रयत्न केला. त्यांच्यावर एका खाजगी रुग्णालयात उपचार सुरू आहे. ( Murder of girlfriend through immoral relationship) (aurangabad crime news Murder of girlfriend through immoral relationship)

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/32p5YVa