धक्कादायक प्रकार! सकाळी मास्क आणि दूध विक्री, रात्रीच्या वेळेस मात्र...

डोंबिवली: डोंबिवली पूर्वेला रविवारी रात्री साडे अकराच्या सुमारास स्वामी नारायण मंदिराजवळ, राजाजी पथावर नेव्ही कर्मचारी असलेले सुरेश आमकर यांना धक्काबुक्की आणि शिवीगाळ करत लुबाडल्याची घटना घडली आहे. ही संपूर्ण घटना सीसीटीव्ही मध्ये कैद झाली असून यामधील दोन आरोपींना रामनगर पोलिसांनी अटक केली आहे. सुदर्शन पटेल आणि अमित वागरे अशी या दोन आरोपींची नावे आहेत. या चोरट्यांकडून पोलिसांनी गुन्ह्यातील चोरलेला एका नामांकित कंपनीचा मोबाईल हस्तगत केला आहे. आरोपी सुदर्शन पटेल हा मास्क विक्रीचा व्यवसाय करत असे, तर अमित वागरे हा दूध विक्रीचा व्यवसाय करत असे. ( arrested two persons for stealing at night in Dombivali) रविवारी रात्रीच्या साडेअकराच्या सुमारास फिर्यादी घराकडे जात असताना राजाजी पथ येथे धक्काबुक्की आणि शिवीगाळ करत त्याच्याजवळील मोबाईल हिसकावून दोन तरुण चोर पसार झाले. सदर घटना सीसीटीव्ही कॅमेरात कैद झाली असून या प्रकरणी डोंबिवलीच्या रामनगर पोलीस ठाण्यात गुन्हा दाखल करण्यात आला आहे. पोलिसांनी सीसीटीव्ही फुटेजच्या मदतीने आणि तांत्रिक माहिती द्वारे या दोन्ही चोरट्याना काही तासातच बेड्या ठोकल्या आहेत. क्लिक करा आणि वाचा- सुदर्शन पटेल, अमित वागरे अस या दोन्ही चोरट्याच नावे असून त्यांना तीन दिवसांची पोलीस कोठडी न्यायालयाने सुनावली आहे. या चोरट्यांकडून पोलिसांनी गुन्ह्यातील चोरलेला एका नामांकित कंपनीचा मोबाईल हस्तगत केला आहे. दरम्यान चोरटयांनी आणखी काही गुन्हे केलेत का याचा तपास रामनगर पोलीस करत आहेत. क्लिक करा आणि वाचा- तर ज्या ठिकाणी आरोपींनी फिर्यादीला धक्काबुक्की आणि शिवीगाळ केली आहे. हे ठिकाण रामनगर पोलीस स्टेशन पासून अवघ्या काही अंतरावर आहे. त्यामुळे पोलीस ठाण्यासमोरच अश्या घटना घडत असतील तर शहरभर पोलिसांची गुन्हेगारांवर वचक आणि पेट्रोलिंगवरच प्रश्न चिन्ह उपस्थित केला जात आहे. दरम्यान रात्रीच्या वेळी पोलिसांनी गस्त घालणे हे आता जरुरीचे झाले आहे. आरोपी सुदर्शन पटेल हा सकाळच्या वेळीस मास्क विक्रीचा व्यवसाय करायचा. तर दुसरा आरोपी अमित वागरे हा दूध विक्रीचा धंदा करत होता. त्यामुळे हे आरोपी मोबाईल चोरीकडे का वळले हा प्रश्न अद्याप कायम आहे. क्लिक करा आणि वाचा-

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/vSYlCmD