ED arrests Iqbal Kaskar: दाऊद इब्राहिमचा भाऊ इक्बाल कासकरला अटक; ईडीची कारवाई

मुंबई: अंडरवर्ल्ड डॉन (Dawood Ibrahim) याचा भाऊ (Iqbal Kaskar) याला ईडीने मनी लाँड्रिंग प्रकरणी अटक केली आहे. सध्या न्यायालयाने कासकरला सात दिवसांची कोठडी सुनावली आहे. इक्बाल कासकर याला ताब्यात देण्याची मागणी करणारी याचिका ई़डीने न्यायालयात दाखल केली होती. ईडीची ही याचिका ठाणे न्यायालयाने मान्य केली आहे. त्यानंतर ठाणे कारागृहातून कासकरची कोठडी घेण्यात आली. यानंतर कासकरला मुंबईतील पीएमएलए न्यायालयात हजर करण्यात आले. येथे ईडीने मागितलेली कोठडी न्यायालयाने मंजूर केली. दाऊद आणि त्याच्या साथीदारांविरुद्ध सुरू असलेल्या प्रकरणांच्या तपासासाठी कोठडी आवश्यक असल्याचे ईडीने न्यायालयाला सांगितले. (ED arrests brother of dawood ibrahim in ) क्लिक करा आणि वाचा- ईडीच्या या मागणीनंतर इक्बाल कासकरच्या वकिलांनी न्यायालयापुढे त्याची बाजू मांडण्याचा प्रयत्न केला. इकबाल कासकर याचा कोणत्याही दहशतवादी संघटनेशी संबंध नसल्याचे त्याच्या वकिलाने न्यायालयाला सांगितले. कासकर केवळ दाऊद इब्राहिमचा भाऊ आहे म्हणून त्यांची चौकशी करण्यासाठी ईडी त्याला अटक करत आहे आणि हे अयोग्य आहे असा युक्तीवाद कासकर याची वकील सुलतान खान यांनी न्यायालयात केला. दरम्यान, इक्बालला अटक केल्यानंतर त्याची जेजे रुग्णालयात तपासणी करण्यात आली. त्यानंतर त्याला पीएमएलए न्यायालयात नेण्यात आले. क्लिक करा आणि वाचा- हसीना पारकरच्या घरी ईडीचा छापा ईडीने मंगळवारी दाऊद इब्राहिमची बहीण हसीना पारकर हिच्या बंद असलेल्या घरी मंगळवारी छापा टाकला होता. राष्ट्रीय तपास संस्थेने (एनआयए) दाऊदविरुद्ध एफआयआरच्या नोंदवला आहे. त्या पार्श्वभूमीवरच हा छापा टाकण्यात आला होता. काश्मीरमध्ये दहशतवादी कारवाया करण्यासाठी लष्कर-ए-तोयबा या दहशतवादी संघटनेला दाऊद आर्थिक पुरवठा करीत असल्याचे एनआयएच्या तपासात स्पष्ट होत आहे. या पार्श्वभूमीवर एनआयएने काही दिवसांपूर्वी दाऊदविरुद्ध यूएपीए कायद्यांतर्गत गुन्हा दाखल केला. या गुन्ह्यासाठी दाऊदच्या सांगण्यावरूनमुंबईतून काश्मीरला हवालामार्फत पैसा पुरवला जात असल्याचे 'एनआयए'च्या तपासात समोर आले आहे. यात आर्थिक गैरव्यवहार झाल्याचा संशय आहे. याच कारणामुळे 'एनआयए'च्या 'एफआयआर'आधारे 'ईडी'ने तपास सुरू केला आहे. त्याअंतर्गत मंगळवारी ईडीने छापा टाकला होता. क्लिक करा आणि वाचा-

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/tkQXqw2