पुष्कर मेळाव्यासाठी एकनाथ शिंदेंकडून 10 कोटी जाहीर

गडचिरोली : प्राणहिता नदीवर दर १२ वर्षांनी भरणारा येत्या एप्रिलमध्ये संपन्न होणार आहे. याबाबत जिल्ह्याचे पालकमंत्री यांनी येथील स्थानिक प्रशासनाबरोबर तसेच जिल्हा प्रशासनाबरोबर तयारीबाबत चर्चा केली. यावेळी त्यांनी पूर्व नियोजनाबाबत आवश्यक निधीसाठी जिल्हा नियोजन मधील १० कोटी रुपये देण्याचे जाहीर केले. आपत्ती व्यवस्थापन विभागाकडेही त्यांनी याबाबतचा प्रस्ताव सादर केला. अतिरिक्त निधी बाबत संबंधित विभागाचे मंत्री महोदय यांच्याशीही चर्चा करणार असल्याचे त्यांनी यावेळी सांगितले. या आढावा बैठकीला जिल्हाधिकारी संजय मीणा, पोलीस उपमहानिरीक्षक संदीप पाटील, पोलीस अधीक्षक अंकित गोयल, जिल्हा परिषद सदस्या तथा माजी जिल्हा परिषद अध्यक्ष भाग्यश्री आत्राम उपस्थित होत्या. १२ वर्षांनी होणारा पुष्कर मेळावा एप्रिल महिन्यात संपन्न होणार पुष्कर मेळाव्यात प्राणहिता नदीवर सिरोंच्या येथील नदी घाटावर तेलंगणा, छत्तीसगडसह महाराष्ट्रातील लाखो भाविक स्नान करण्यासाठी व कालेश्वरम येथील मंदिरात दर्शन घेण्यासाठी हजेरी लावत असतात. एप्रिल महिन्यात होणाऱ्या पुष्कर मेळाव्या बाबत जिल्हा प्रशासनाची तयारी सुरू असून येत्या काळात कोणतेही अडचणी भाविकांना येऊ नये म्हणून गतीने कामे केली जाणार आहेत.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/zt3rEGv