प्रियकराने घरात जीव सोडल्यानंतर महिलेनं केली चलाखी; अडचणीत येऊ नये म्हणून...

: आत्महत्या दडवण्यासाठी एका ४५ वर्षीय महिलेने तरुणाचा मृतदेह महामार्गावर टाकत अपघाताचा बनाव रचल्याची धक्कादायक घटना समोर आली आहे. पोलीस तपासात महिला आणि सदर तरुणाचे प्रेमसंबंध असल्याचं समोर आलं असून या तरुणाचा महिलेने शारीरिक आणि मानसिक छळ केल्याने त्याने आत्महत्या केल्याचं स्पष्ट झालं आहे. नाशिकच्या आडगाव पोलीस ठाण्याच्या हद्दीत ही घटना घडली. () मृत्यू झालेला २५ वर्षीय तरुणाचे ४५ वर्षीय महिलेसोबत एक वर्षापासून प्रेमसंबंध होते. तरुणाने आपल्यासोबत लग्न करावं यासाठी महिलेने त्याचा शारीरिक आणि मानसिक छळ केला. या त्रासाला कंटाळून अखेर तरुणाने महिलेच्या घरातच आत्महत्या केली. ही आत्महत्या लपवण्यासाठी महिलेने आपला २० वर्षीय मुलगा आणि त्याच्या मित्राच्या मदतीने प्रियकराचा मृतदेह महामार्गावर टाकून अपघाताचा बनाव केला. मात्र पोलीस तपासात हा बनाव उघड झाला. याप्रकरणी ४५ वर्षीय महिला आणि तिच्या मुलासह आणखी एका आरोपीवर आडगाव पोलीस ठाण्यात गुन्हा दाखल करण्यात आला आहे. पोलिसांना आला होता संशय या अपघाताची नोंद करत असतानाच पोलिसांना याबाबत संशय होता. आडगाव पोलीस ठाण्याचे पोलीस निरीक्षक यांनी याप्रकरणी विशेष लक्ष घालून अधिकचा तपास सुरू केला होता. पोलिसांचा हाच संशय खरा ठरला आणि सदर घटना ही अपघात नसून आत्महत्या असल्याचं तपासात समोर आलं आहे.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/dxcSg9a