टॅपेस्ट्री चित्रकार प्रभाकर नाईक साटम यांचे निधन

मुंबई: जागतिक ख्यातीचे टॅपेस्ट्री चित्रकार यांचं आज वयाच्या ९२ व्या वर्षी निधन झालं. आज सायंकाळी त्यांनी अखेरचा श्वास घेतला. त्यांच्या निधनामुळे कलाक्षेत्राची मोठी हानी झाल्याची प्रतिक्रिया व्यक्त केली जात आहे. प्रभाकर नाईक साटम यांना करोनाची लागण झाली होती. उपचार सुरू असतानाच आज सायंकाळी ७ वाजता त्यांचं निधन झालं. प्रभाकर नाईक साटम हे मूळचे कोकणातले होते. काही काळ ते जापानमध्येही वास्तव्याला होते. त्यांचं 'झल्लाळ' हे आत्मचरित्रं आठ वर्षांपूर्वी आलं होतं. या पुस्तकाला दीपक घारे यांनी लिहिलेल्या प्रस्तावनेतील टॅपेस्ट्री कलाप्रकाराची माहिती सांगणारा हा भाग... प्रतिकूल परिस्थितीवर मात करून जीवनमूल्ये आणि कलानिमिर्तीची उमीर् सातत्याने जपणाऱ्या एका यशस्वी कलावंताचं हे आत्मकथन आहे. टॅपेस्ट्री हे माध्यम आपल्याकडे कुणी फारसं हाताळलेलं नाही. नाईक साटम यांनी केलेल्या मोठ्या आकाराच्या टॅपेस्ट्रीज् जपानच्या म्युझियम्स-मध्ये आज सन्मानपूर्वक लावण्यात आलेल्या आहेत. कोकणातल्या एका गावात जन्मलेला मुलगा मुंबईत येऊन कलाशिक्षण घेतो आणि जपानला जाऊन तिथे टॅपेस्ट्री म्हणून लोकप्रियता आणि आदराचे स्थान मिळवतो हे या आत्मकथनाचं आणखी एक वैशिष्ट्य. एक संवेदनशील व्यक्ती म्हणून आलेले अनुभव या आत्मकथनात असल्यामुळे ते नाट्यपूर्ण, वाचनीय झालेलं आहे. बांदिवड्यात गेलेलं बालपण, सर जे. जे. स्कूल ऑफ आर्टमध्ये मिळालेलं शंकर पळशीकरांचं मार्गदर्शन, कॅलिको मिल्समध्ये नोकरीला लागल्यावर गीराबेननी जोपासलेले नाईक साटम यांच्यातील कलागुण, झेकोस्लोव्हाकियात त्यांनी घेतलेलं टॅपेस्ट्रीचं शिक्षण आणि जपानमध्ये टॅपेस्ट्रीच्या क्षेत्रात झालेली त्यांची कामगिरी असा एक सारा जीवनपट त्यांच्या आत्मकथनातून उलगडत जातो.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/2zCpe3z