आरोपीला घेऊन जात असताना टायर फुटला; पाच पोलीस जखमी

मुंबई: भायखळा येथील तुरुंगातून एका आरोपीला ठाण्याला नेत असताना फ्रिवेवर पोलिसाच्या वाहनाचा टायर फुटल्याने झालेल्या भीषण अपघातात पाच जखमी झाले आहेत. यातील एक पोलीस गंभीर जखमी झाला असून जखमी पोलिसांना रुग्णालयात उपचारासाठी रुग्णालयात दाखल करण्यात आलं आहे. आज दुपारी २ वाजता हा भीषण झाला. भायखळा येथील एका महिला आरोपींना घेऊन पोलीस ठाण्याकडे निघाले होते. बोलेरो गाडीतून फ्रिवेवरून जात असताना गाडीच्या पुढील बाजूचा उजवा टायर अचानक फुटला. त्यामुळे ही गाडी थेट समोरच्या डिव्हायडरला धडकली आणि ड्रायव्हरच्या बाजूने ही गाडी उलटी झाली. त्यामुळे वाहनचालक पोलीस शिपाई केड्या वेसावे हे गंभीर जखमी झाले. तर पोलीस हवालदार काळे, श्रीमती गांगवे, श्रीमती शनागर आणि महिला आरोपी यास्मिन पाशा शेख हे किरकोळ जखमी झाले आहेत. जखमींना जे. जे. हॉस्पिटल येथे नेले असता वाहनचालक वसावे यांना आंतररुग्ण म्हणून दाखल केले असून इतर किरकोळ जखमींना औषधोपचार करून सोडणार आहेत. वसावे हे कल्याण पूर्व येथील काटेमानवली नाक्यावरील शिववैभव को-ऑपरेटिव्ह हौसिंग सोसायटीत राहतात.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/3cgCwzN