गँगस्टर महिलेच्या घरी बर्थडे पार्टीत डीजे डान्सवरून वाद; अंदाधुंद गोळीबार

गोरखपूर: उत्तर प्रदेशातील गोरखपूरमध्ये एका बर्थडे पार्टीत करण्यात आल्याने खळबळ माजली. अलीकडेच जामिनावर सुटलेल्या महिला गँगस्टरच्या घरी ही पार्टी ठेवली होती. दोन गटांत डीजे डान्सवरून वाद झाला. त्यानंतर दोन्ही बाजूंनी अंदाधुंद गोळीबार करण्यात आला. यात दोन जण गंभीर जखमी झाले. तर एकाची प्रकृती चिंताजनक असल्याने त्याला लखनऊतील रुग्णालयात उपचारासाठी नेण्यात आले आहे. गोरखपूरच्या तिवारीपूर परिसरात गीता तिवारी हिच्या घरी बर्थडे पार्टी ठेवली होती. गीतावर अनेक गुन्हे दाखल आहेत. पार्टीत वाद झाल्यानंतर हिंसक वळण लागले. डीजेवर डान्स करणाऱ्या दोन गटांत बाचाबाची झाली. त्यानंतर गोळीबारही करण्यात आला. त्यात घासीकटरा येथील नितीश आणि मोहम्मद आमिर हे जखमी झाले. पाठीवर गोळी लागल्याने गंभीर जखमी झालेल्या नितीशला लखनऊ येथील रुग्णालयात पुढील उपचारासाठी नेण्यात आले आहे. मिळालेल्या माहितीनुसार, दिवंगत शिवकुमार तिवारीची पत्नी गीता तिवारी चोरी आणि अनेक गंभीर गुन्ह्यांत तुरुंगात होती. २० ऑक्टोबरला ती जामिनावर सुटली होती. आपल्या नातीच्या घरी गीताने बर्थडे पार्टीचे आयोजन केले होते. यात अनेक गुन्हेगार सहभागी झाले होते. यातील अनेक जण गीतासाठी काम करतात.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/3edTxx4