SBI च्या नावाने आलेल्या फेक मेसेजला तरुणाचं भन्नाट उत्तर, स्क्रिनशॉट सोशल मीडियावर व्हायरल

अमरावती : टाळेबंदी दरम्यान अनेक कमावणारे हात बेरोजगार झाले. याच संधीचा फायदा घेऊन ऑनलाइन फसवणूक करणाऱ्या टोळ्या सक्रिय झाल्या आणि सर्वसामान्य नागरिकांना फेक मेसेज पाठवून घडवण्याचे प्रयत्न सुरू झाले. भारतीय स्टेट बँकेच्या नावाने एका एमपीएससीच्या विद्यार्थ्याला फेक मेसेज आला आणि या पट्ट्याने दिलेलं उत्तर सध्या सोशल मीडियावर मोठ्या प्रमाणात व्हायरल होत आहे. जिल्ह्यातील अचलपूर इथे स्पर्धा परीक्षेची तयारी करणारा विद्यार्थी अफसर शेख याला स्टेट बँक ऑफ इंडियाच्या नावाने एक मेसेज आला. त्यात तुमचं एटीएम कार्ड ब्लॉक झाल्याचं सांगितलं आणि कारण दिलं की तुम्ही अपडेट केलं नाही आणि त्या अपडेट करण्यासाठी एक नंबर सुद्धा दिला. एमपीएससीचा अभ्यास करत असलेल्या अफसर शेख यांना आलेल्या मेसेजमध्ये संशयाला कारण यात व्याकरणाच्या बऱ्याच चुका होत्या. हल्ली लॉकडाऊनमुळे परीक्षा बंद असल्याने निवांत असलेल्या अफसर शेख यांनी थेट मेसेजला उत्तर दिलं. त्या उत्तरामध्ये त्याने असं काही लिहलं की, हे उत्तर सोशल मीडिया भन्नाट व्हायरल झालं आहे. यामध्ये तरुणाने असं लिहलं की, 'भावा पहिली गोष्ट ही आहे की Have आणि Has सोबत क्रियापदाचे तिसरे रूप वापरतात. म्हणून Blok ऐवजी Blocked आणि Updet ऐवजी Updeted येतं. भावा जर व्याकरण नीट शिकला असता तर असे दोन नंबरचे धंदे करण्याची वेळ आली नसती आणि आणखी एक गोष्ट माझं अकाऊंट अॅक्सिस बँकेत आहे.'

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/2SJwT92