omicron: डोंबिवलीकरांना ओमायक्रॉनचा धोका?; केडीएमसीने तत्काळ उचलले मोठे पाऊल

डोंबिवली: दक्षिण आफ्रिकेतील केपटाऊन येथून डोंबिवलीत आलेल्या प्रवाशाची कोरोना (Coronavirus) चाचणी पॉझिटिव्ह आल्याने प्रशासन () सतर्क झाले आहे. महापालिकेने त्या दृष्टीने पावलं टाकायला सुरुवात केली असून विविध उपाययोजना सुरू केल्या आहेत. कल्याण डोंबिवली महापालिकेचे आयुक्त डॉ. विजय सूर्यवंशी यांनी जनरल प्रॅक्टीशनर आणि खाजगी रुग्णालयांच्या डॉक्टरांशी व्हिडिओ कॉन्फरन्सिंगद्वारे संवाद साधला. यावेळी त्यांनी परदेशांमधून आलेले प्रवासी उपचारासाठी आल्यास त्याची माहिती महापालिकेच्या आरोग्य विभागास तत्काळ द्यावी, असे आवाहन केले आहे. क्लिक करा आणि वाचा- कल्याण डोंबिवली महापालिकेने पहिल्या आणि दुसऱ्या करोना लाटेनंतर आता तिसरी लाट आल्यास आपली यंत्रणा सज्ज केली आहे. मात्र नागरिकांनी करोना नियमांचं पालन करणं गरजेचं असल्याचं महापालिका प्रशासनाचं म्हणणं आहे. महापालिकेची तिसऱ्या लाटेशी सामना करण्याकरीता योग्य प्रमाणात बेड, ऑक्सिनज यंत्रणा आणि आयसीयू बेड, व्हेंटिलेटर बेड तयार आहेत अशी माहिती सूर्यवंशी यांनी दिली आहे. त्याचबरोबर अलिकडे कोविड रुग्णांची संख्या कमी झाल्यावर काही कोविड रुग्णालये बंदही करण्यात आली होती. त्या रुग्णालयातील यंत्रणा मात्र तशीच आहे. आता ती रुग्णालये पुन्हा सुरु केली जाणार आहेत. क्लिक करा आणि वाचा- महापालिकेच्या नागरिकांसाठी विशेष सूचना दरम्यान, करोनावर नियंत्रण मिळवण्यासाठी नागरिकांनी सहकार्य करणे अत्यंत आवश्यक आणि महत्वाचे असल्याचे प्रशासनाचे म्हणणे आहे. त्यासाठी नागरिकांनी करोना प्रतिबंधक नियम काटेकोरपणे पाळणे आवश्यक आहे. नागरिकांनी विना मास्क घराबाहेर पडू नये. सोशल डिस्टसिंगचा वापर करावा, असे आवाहन महापालिकेने केले आहे. तसेच, विना मास्क फिरणाऱ्यांच्या विरोधात महापालिका आणि पोलिस प्रशासनाकडून संयुक्तरित्या पुन्हा दंडात्मक कारवाई सुरु केली जाणार असल्याचे त्यांनी सांगितले. क्लिक करा आणि वाचा-

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/3paD8PX