चॉकलेटचे आमिष देऊन अल्पवयीन मुलीचा विनयभंग; आरोपीला ३ वर्षाची सश्रम कारावासाची शिक्षा

अकोला : चॉकलेटचे आमिष दाखवून एका अल्पवयीन मुलीचा करणाऱ्या आरोपीला आज अकोला जिल्हा न्यायालयाने दोषी ठरवून ३ वर्षाची सश्रम कारावासाची शिक्षा सुनावली आहे. गोवर्धन बळीराम नंदागवळी (वय ४५ वर्ष, रा. नवरंगपूर रामटेक, ता. मुर्तिजापूर, जि. अकोला) असं या आरोपीचं नाव आहे. जिल्हा व सत्र न्यायाधीश एस. पी. गोगरकर यांनी ही शिक्षा सुनावली. अकोला जिल्ह्यातील मूर्तिजापूर तालुक्यातील माना पोलीस स्टेशन येथे पिडीतेच्या आईने दिलेल्या तक्रारीनुसार, तिच्या मुलीला गोवर्धन बळीराम नंदागवळी (वय ४५ वर्ष, रा. नवरंगपूर रामटेक, ता. मुर्तिजापूर, जि. अकोला) या व्यक्तीने चॉकलेटचे आमिष दाखवून शाळेच्या आवारामध्ये नेले आणि तिच्यासोबत गैरप्रकार करण्याचा प्रयत्न केला. अशा स्वरूपाची तक्रार १५ सप्टेंबर २०१५ रोजी तिने दाखल केली. पिडीतेची आई व इतर लोकांनी आरोपी याला पकडण्याचा प्रयत्न केला. परंतु, तो पळुन गेला, या घटनेअगोदर देखील आरोपीने असाच गैरप्रकार करण्याचा प्रयत्न केला होता, असे पिडीतीने तिच्या आईने सांगितले होते. या तक्रारीची दखल घेत आणि पीडित मुलीच्या जबाबवरुन पोलिसांनी गोवर्धन बळीराम नंदागवळीविरोधात ३५४ आणि पोक्सो कायद्याच्या कलम ११, १२ अंतर्गत गुन्हा दाखल केला. सदर गुन्ह्याचा तपास करुन तपास पूर्ण झाल्यावर न्यायालयात दोषारोप पत्र सादर केले. यामध्ये सरकार पक्षातर्फे एकूण ५ साक्षीदार तपासले. त्यानंतर न्यायालयाने आरोपी याला पोक्सो कायदयाचे कलम ११, १२ व भा.द.वि. कलम ३५४ अंतर्गत दोषी ठरवून ३ वर्ष सश्रम कारावासाची शिक्षा आणि ५ रुपयांचा दंड अशी शिक्षा ठोठावली आहे. दंड न भरल्यास अतिरिक्त ६ महिने साधी कारावाची शिक्षा सुनावली. या प्रकरणात अतिरिक्त सरकारी वकील शाम खोटरे यांनी सरकार पक्षाची बाजू मांडली. तसेच पोलिस उपनिरीक्षक विल्लेकर आणि पोलीस कर्मचारी सोनू आडे यांनी तपास केला.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/lGDW1EY