राज ठाकरे यांनी संजय राऊत यांच्यावर डागली तोफ, म्हणाले...

दिवा: ठाण्याला लागूनच असलेल्या दिवा येथे मनसे आमदार प्रमोद (राजू) पाटील यांच्या कार्यालयाचे उद्घाटन मनसे प्रमुख यांच्या हस्ते झाले. यावेळी राज ठाकरे यांनी त्यांच्या खास शैलीत शिवसेना खासदार यांच्यावर तोफ डागली. संजय राऊत यांनी आता एकांतात बोलण्याचा सराव करावा, असा खोचक सल्ला राज यांनी दिला. मनसे प्रमुख राज ठाकरे यांनी पुण्यातील सभेत शिवसेना खासदार संजय राऊत यांची मिमिक्री करून, त्यांच्यावर टीकास्त्र सोडलं होतं. त्यानंतर त्याच दिवशी पुण्यातच संजय राऊत यांनी पत्रकार परिषद घेऊन राज यांच्यावर प्रतिहल्ला चढवला होता. आमचे राजकारण हे मिमिक्रीवर अवलंबून नाही. ईडीसमोर आम्ही गप्प बसत नाही, अशी टीका राऊत यांनी केली होती. त्यानंतर आज, शनिवारी राज ठाकरे दिव्यात आले होते. त्यावेळी प्रसारमाध्यमांच्या प्रतिनिधींकडून संजय राऊत यांनी केलेल्या वक्तव्याबाबत प्रश्न विचारण्यात आला. त्यावर राज ठाकरे यांनी राऊत यांना खोचक सल्ला दिला. संजय राऊत यांनी आता एकांतात बोलण्याचा सराव करावा, असे राज म्हणाले. दिव्यात 'या' बॅनरची जोरदार चर्चा मनसे प्रमुख राज ठाकरे हे दिवा येथे आमदार राजू पाटील यांच्या कार्यालयाचे उद्घाटन करण्यासाठी येणार होते. राज यांच्या स्वागताची जय्यत तयारी दिव्यात करण्यात आली होती. सर्वत्र बॅनर लावण्यात आले होते. त्याच बॅनरची जोरदार चर्चा आता रंगू लागली आहे. राज यांच्या स्वागतासाठी लावलेल्या बॅनरवर 'महाराष्ट्राभिमानी एक, शिवछत्रपतींचा लेक!' असा उल्लेख केला होता. याआधी 'हिंदूहृदयसम्राट' अशा आशयाचा बॅनर मुंबईत लावण्यात आला होता. त्या बॅनरची जोरदार चर्चा झाली होती. आता पुन्हा अशा आशयाचा बॅनर लावण्यात आल्यानं त्याची चर्चा होत आहे. राज ठाकरेंना बघण्यासाठी गर्दी मनसे अध्यक्ष राज ठाकरे यांचे आज दिवा शहरात जंगी स्वागत करण्यात आले. ढोलताशा, तुताऱ्या वाजवत आणि फुलांची उधळण असं जंगी स्वागत राज ठाकरे यांचं करण्यात आलं. राज ठाकरेंची एक झलक पाहण्यासाठी दिवेकरांनी तुफान गर्दी केली होती.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/6ayA9ho