पुण्यात राडा, राष्ट्रवादीच्या महिला पदाधिकाऱ्याला भाजप कार्यकर्त्यांची मारहाण, सुप्रिया सुळेंकडून तीव्र शब्दात निषेध

राष्ट्रवादीच्या महिला पदाधिकाऱ्यावर झालेल्या हल्ल्याचा राष्ट्रवादीच्या खासदार सुप्रिया सुळे यांनी निषेध केलाय. तर राज्याचे उपमुख्यमंत्री अजित पवार यांनी राष्ट्रवादीचे पुणे शहाराध्यक्ष प्रशांत जगताप यांना फोन करुन संबंधित प्रकरणाची माहिती घेतली तसेच कार्यकर्त्यांची विचारपूस केली. शांततेच्या मार्गाने महागाईच्या विरोधात आपला विरोध प्रकट करीत असताना राष्ट्रवादी महिला काँग्रेसच्या पदाधिकारी वैशाली नागवडे यांना भाजपाच्या पुरुष पदाधिकाऱ्याने मारहाण केल्याचे स्पष्ट दिसत आहे. कोणत्याही परिस्थितीत एक पुरुष महिलेला मारहाण करतो हे अजिबात स्वीकारार्ह नाही, अशा शब्दात सुप्रिया सुळे यांनी हल्ल्याचा तीव्र शब्दात निषेध व्यक्त केला.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/qSPXJd4