दुपारी अमित शहा-जेपी नड्डांशी खलबतं, रात्री मुंबईत पाऊल, फडणवीस थेट राजभवनावर, अशी फिरली सूत्रं

एकनाथ शिंदे यांच्या बंडखोरीनंतर गेली ९ दिवस शांत असलेले विरोधी पक्षनेते देवेंद्र फडणवीस यांची अखेर सत्तानाट्याच्या अंकात झोकात एन्ट्री झालेली आहे. आज रात्री साडे नऊच्या आसपास त्यांनी राजभवनावर जाऊन राज्यपाल भगतसिंह कोश्यारी यांची भेट घेतलेली आहे. शिवसेनेच्या ३९ आमदारांनी महाविकास आघाडीबरोबर राहायचं नाही, अशी भूमिका घेतल्याने राज्यात राजकीय अस्थिरता आली आहे. त्याच पार्श्वभूमीवर सरकारला बहुमत सिद्ध करायला सांगावं, अशी विनंती त्यांनी राज्यपालांकडे विशेष पत्राद्वारे केली.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/E7CjX1w