coronavirus latest update: करोना: राज्यात रुग्णसंख्येचा आलेख येतोय खाली; मात्र काळजी घेणे गरजेचे

मुंबई: राज्यात गेल्या काही दिवसांपासून करोनाची (Coronavirus) दैनंदिन रुग्णसंख्या घटत असल्याने राज्याला दिलासा मिळत आहे. आरोग्य विभागाने दिलेल्या माहितीनुसार, राज्यात गेल्या २४ तासात २२ हजार ४४४ नव्या रुग्णांचे निदान झाले आहे. तर, आज राज्यात एकूण ५० रुग्णांचा मृत्यू झाला आहे. तर दिवसभरात ३९ हजार ०१५ बाधित रुग्ण बरे होऊन घरी गेले आहेत. या बरोबरच राज्यात आज एकूण २ लाख २७ हजार ७११ रुग्णांवर (सक्रिय रुग्ण) उपचार सुरू आहेत. (maharashtra registered 22444 new cases in a day with 39015 patients recovered and 50 deaths today) राज्यात आजपर्यंत एकूण ७३ लाख ३१ हजार ८०६ करोना बाधित रुग्ण बरे होऊन घरी गेले आहेत. यामुळे राज्यातील रुग्ण बरे होण्याचे प्रमाण ९५.१४ टक्के झाले आहे. आजपर्यंत तपासण्यात आलेल्या ७ कोटी ४५ लाख ०२ हजार ६८८ प्रयोगशाळा नमुन्यांपैकी ७७ लाख ०५ हजार ९६९ नमुने पॉझिटिव्ह आले आहेत. हे प्रमाण १०.३४ टक्के इतके आहे. सध्या राज्यात १२ लाख ६१ हजार १९८ व्यक्ती होम क्वारंटाइनमध्ये आहेत, तर ३ हजार ३३२ व्यक्ती संस्थात्मक क्वारंटाइनमध्ये आहेत. क्लिक करा आणि वाचा- याबरोबरच, राज्यात आतापर्यंत मृत्युमुखी पडलेल्या रुग्णांची संख्या १ लाख ४२ हजार ५७२ इतकी आहे. मुंबईत आज १ हजार १६० नवे रुग्ण मुंबई महानगरपालिकेच्या हद्दीत आज मंगळवारी १ हजार १६० नव्या करोना रुग्णांचे निदान झाले आहे. तर मुंबईतील करोना बाधितांची आजपर्यंतची एकूण संख्या १० लाख ४४ हजार ७१२ इतकी झाली आहे. तसेच मुंबईत गेल्या २४ तासांमध्ये १० करोना बाधित रुग्णांचा मृत्यू झाला. तर, आजपर्यंत मुंबईत करोनामुळे मृत्युमुखी पडलेल्यांची संख्या १६ हजार ६१२ इतकी आहे. क्लिक करा आणि वाचा- ठाणे जिल्ह्यात आज एकूण ९८८ नवे रुग्ण ठाणे जिल्ह्यात आज रविवारी ९८८ नव्या रुग्णांचे निदान झाले आहे. यांपैकी ठाण्यात १०९, ठाणे महापालिका क्षेत्रात २६२, नवी मुंबई मनपा क्षेत्रात ४०३, कल्याण-डोंबिवली मनपा क्षेत्रात ९९, तर उल्हासनगर मनपा क्षेत्रात ४५, भिवंडी निजामपूर महानगरपालिका क्षेत्रात ५, मिरा-भाईंदर मनपा क्षेत्रात ६५ रुग्ण आढळले आहेत. क्लिक करा आणि वाचा- तर, पालघरमध्ये आज ७९ रुग्ण आढळले असून, वसई विरार मनपा क्षेत्रात ७२, रायगडमध्ये २६९ आणि पनवेल मनपा क्षेत्रात २३३ नवे रुग्ण आढळले आहेत.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/z3hcw5KyY